Армиянан ҡайтҡан егеттәргә нисек эш табырға? Балалар йортонда тәрбиәләнеүселәргә фатир урынына ятаҡтан бүлмә бирелгән осраҡта ҡайҙа мөрәжәғәт итергә? Янғындан матди зыян күреүселәргә ниндәй ярҙам ҡаралған? Башҡортостан Республикаһының хеҙмәт һәм халыҡты социаль яҡлау министры Ленара Иванова “Ижтимағи электрон гәзит” ойошторған онлайн- конференцияла ошо һәм башҡа һорауҙарға яуап бирҙе.
Конференцияла Имен бала саҡ һәм ғаилә ҡиммәттәрен нығытыу йылында инвалид балалар мәнфәғәтендә башҡарыласаҡ ҡайһы бер эштәр хаҡында әйтелде.

Бала ниңә урлаша һәм уны "аҡылға ултыртыу" мотлаҡмы?
... Ул малайҙарҙың әсәһе лә, атаһы ла йәш ине. Икеһе лә эшләй, байтаҡ хеҙмәт хаҡы ала. Үҙемдән 4-5 йәшкә бәләкәй ауылдаштарымдың (үҙҙәренә 2-3 йәш кенә булғандыр) теләгән бер уйынсығы алдында булды. Ә мин һораһам, әсәйҙең яуабы бер: "Улым, ул бигерәк ҡиммәт". Шуға ла башланғыс мәктәптән ҡайтып, өй эшен бөтөргәс, көноҙоно өләсәләре менән ултырған теге икәү янына йүгерәм. Ҡайһы саҡта класташтарым да ҡушыла.

— Халыҡтың 98,7 проценты торлаҡ-коммуналь хеҙмәтләндереүгә бурыстарын түләп бөттө, үткән йылдар менән сағыштырғанда, был — юғары күрһәткес. Президент башланғысы буйынса ойошторолған күп фатирлы йорттар советының һаны арта, — тине Өфө ҡала округы хакимиәте башлығының беренсе урынбаҫары Владимир Ильич Дмитрюк матбуғат конференцияһында. — Халыҡтың әүҙемлеге шатландыра, сөнки фәҡәт йорт хужалары торлаҡты кәрәкле ҡиәфәттә тота ала.

Башҡортостанда күсемһеҙ милек баҙарында мутлыҡ ҡылыу — ярайһы уҡ киң таралған күренеш. Был тармаҡтағы барлыҡ енәйәттәр ҙә ҡануниәттәге аңлашылмаусанлыҡтарға нигеҙләнгән. “Башҡортостан Республикаһының күсемһеҙ милек баҙарында профессиональ ҡатнашыусылар” ассоциацияһы рәйесе Алексей Щежин матбуғат конференцияһында ошо хаҡта һөйләне.
Уның фекеренсә, халыҡтың хоҡуҡи белеменең түбән булыуы — торлаҡҡа бәйле мутлыҡ ҡылыуҙарҙың төп сәбәбе.
— Кешеләр бер үк хатаны ҡабатлай, алдаҡсыларҙың ҡармағына эләгә, — тине ул.

Баҡалы районында “Йәйғор” балалар баҡсаһының филиалы асылыуы ата-әсәләр өсөн ифрат шатлыҡлы ваҡиға булды. Бында кесе йәштәге 20 бала тәрбиәләнәсәк.
Учреждениены яңыртыуға “Коммунхоз” предприятиеһы, райондың электр селтәре, юл төҙөү-ремонтлау идаралығы хеҙмәткәрҙәре күп көс һалған: бинаның түбәһе яңыртылған, канализация системаһы монтажланған, балалар баҡсаһына ингән ергә һәм ихатаға асфальт түшәлгән, бүлмәләр зауыҡ менән, заманса йыһазландырылған. Карауат, шкаф, өҫтәл, уйынсыҡтар һатып алырға бағыусылар ярҙам күрһәткән.
“Йәйғор”ҙоң филиалын асыу балалар баҡсаһына мохтажлыҡ мәсьәләһен бер аҙ кәметте. Бында һигеҙ урынлыҡ шәхси төркөм дә бар. Ошолай үҙ эшен асырға теләүселәр тағы ла табылыр, моғайын. Район хакимиәте был йәһәттән ярҙам итергә әҙер.