Фуат ағай Байсурин менән йыш осрашыуға ҡарамаҫтан, һөйләшеп һүҙ бөтмәй. Хыялда ғына булһа ла һәр саҡ икебеҙ өсөн дә ҡәҙерле булған тыуған төйәккә ҡайтып әйләнеүҙе ғәҙәткә индергәнбеҙ, шулай уҡ төрлө яңылыҡтар менән дә ихлас уртаҡлашабыҙ. “Ейәнсура районы һуңғы ваҡытта төҙөкләнде, ҡайтҡан һайын үҙемә яңылыҡ асам”, – тине ул, бер күрешкәндә шатланып.
Әңгәмәсем – “Башринкон” һәм “Уралтрейд” яуаплылығы сикләнгән йәмғиәттәре директоры, Рәсәйҙең атҡаҙанған яғыулыҡ-энергетика комплексы хеҙмәткәре Фуат Әхәт улы БАЙСУРИН.
– Ейәнсура Өфөгә яҡын ятҡан район түгел. Алыҫлығын әйтеп тә тораһы юҡ. Шулай ҙа унда юлығыҙҙың йыш төшөүен беләм.
– Сығышым – Кинйәбулаттан, беҙҙең яҡта халыҡ был ауылды һаман да үҙенең матур исеме менән Ҡарағайтуғай тип йөрөтә.

Күптән түгел Интернет селтәрендә "Bashfermer" сайты эш башланы. Әлегә башҡорт эшҡыуарлығында киң таралмаған тармаҡты һайлаған уның хужаһы. Был Интернет магазинында һәр һатып алыусы ауылда етештерелгән аҙыҡ-түлекте таба һәм уны фатирына ҡәҙәр килтереп еткереүгә заказ бирә ала. Ул шулай уҡ ауыл етештереүселәре – крәҫтиән һәм фермерҙар менән дә әүҙем эшләй. Был сайттың ябай магазиндан айырмаһы нимәлә, ниндәй өҫтөнлөктәре бар, бигерәк тә кемдәр өсөн отошло – ошо турала беҙ уның ойоштороусыһы – шәхси эшҡыуар Ләлә Ислам ҡыҙы ҠУНАҠАЕВА менән әңгәмәләшәбеҙ.
– Һис шикһеҙ, Интернет магазины республикала аҙыҡ-түлек менән һатыу итеү өлкәһендә яңы алым. Шуға ла һәр кемдең уның тураһында күберәк белгеһе киләлер...
– Ысынлап та, "Bashfermer" сайтын республика өсөн өр-яңы проект тип атар инем. Бигерәк тә ҡала халҡына ауылдан килгән аҙыҡ-түлекте тиҙ табыу өсөн уңай. Бындай сайттар күберәк булған һайын, ауыл аҙыҡ-түлегенең тауарға әйләнеү мөмкинлеге, ысынлап та, артасаҡ. Сер түгел, ауыл халҡы өсөн был бөгөн көнүҙәк мәсьәлә. Күптәр шәхси ихатаһында йә хужалығында етештерелгән аҙыҡ-түлеккә, тауарға һатып алыусы таба алмай йонсой. Бөтәһенең дә ҡалаға килеп баҙарҙан урын ала алмауы көн кеүек асыҡ бит.

Маҡсаттары булғандар ғына тормошта бейеклектәр яулай. Ә уның нигеҙендә хыял ята. Манышты ауылында йәшәүсе эшҡыуар Ғариф Сафа улы Мырҙағәлин күптәнге хыялдарын тормошҡа эҙмә-эҙлекле ашыра.
Үҙгәртеп ҡороуҙар башланғас, депола машинист ярҙамсыһы булып эшләп йөрөгән Ғариф Сафа улы 90-сы йылдарҙа эштән китеп, үҙенең шәхси предприятиеһын асырға баҙнат итә. Ағас менән шөғөлләнә: таҡта яра, бура бурай. Ул саҡта ағасҡа ҡытлыҡ булмағас, аяҡҡа баҫырға ла өлгөрә.
Ниндәй башҡорт атһыҙ булһын инде: Ғариф та йылҡысылыҡ менән шөғөлләнеү хыялын йөрөтә. 1998 йылдан аҙлап ҡына йылҡы тота башлай. Ә 2006 йылда ҡатыны Рима Нурмөхәмәт ҡыҙы Мырҙағәлина исеменә крәҫтиән (фермер) хужалығын асалар. Асы ауылына киткән юл буйында ҡуртымға ер алып, ныҡлап йылҡы үрсетә, ҡымыҙ етештерә башлайҙар.
Ғариф Мырҙағәлиндең хыялдары күп. Шуларҙың береһе — башҡорт атын үрсетеү. Ошо ниәттә ул Әбйәлил районынан бейәләр, айғыр һатып ала. “Был йылҡының үҙенсәлектәре, үлсәмдәре бар. Мәҫәлән, бейеклеге буйынса 1,5 метрҙан артмаҫҡа тейеш”, — ти хужа.

“Эльнара” яуаплылығы сикләнгән йәмғиәтен 2008 йылда бер туған ағалы-энеле Әхмәт менән Булат Ғәлиевтәр ойошторған.
Бер ҡайҙан матди ярҙам алмайынса, старт капиталын үҙҙәре туплап, тәүҙә 27 баш ат һәм 68 баш һыйыр малы һатып алып, ең һыҙғанып мал үрсетеү эшенә тотона улар. Колхоз-совхоздар тарҡалғандан бирле буш торған емерек, ташландыҡ хәлдәге Нәсибаш фермаһын 1 миллион һумдан ашыу аҡса һалып ипкә килтереп, йүнәтеп, таҙартып, малдарҙы тәүҙә шунда аҫрайҙар. Әммә бер йылдан һуң Өфөнән килгән конкурс идарасыһы, райондағы элекке ауыл хужалығы биналарын уңлы-һуллы һата. Нәсибаш фермаһын да, район хакимиәтенә ҡаршы килеп, Әхмәт менән Булатты конкурста ла ҡатнаштырмай, кемдәргәлер 30 мең һумға һатып ебәрә.

Гәзитебеҙҙең былтырғы ноябрь һандарының береһендә уҡыусыбыҙҙың "Ишетмәйҙәр!.." тип исемләнгән ауазы баҫылғайны.
"Ялыу кенәгәһе" рубрикаһында донъя күргән йөрәк әрнеүе, ысынын әйткәндә, аптыратты, сөнки һүҙ Шаран районында эшҡыуарлыҡ өсөн шарттар булдырылмауы тураһында бара. Ә, билдәле булыуынса, заманында эшҡыуарлыҡҡа республикала беренселәрҙән булып тап шарандар ныҡлап тотондо һәм, ошо тармаҡты әүҙем үҫтереп, районын алдынғылар рәтенә сығарҙы. Был алдынғылыҡ хаҡлы рәүештә әлегәсә һаҡлана.